BAKI, 21 iyul. TELEQRAF
İtaliyanın "Roma" klubu Fransa "Lans"ının futbolçusu Neyl El-Aynauini transfer edib.
Teleqraf xəbər verir ki, bu barədə paytaxt təmsilçisinin rəsmi saytı məlumat yayıb.
24 yaşlı yarımmüdafiəçi "canavarlar"la 5 illik müqavilə imzalayıb. O, yeni komandasında "8" nömrə altında çıxış edəcək.
Qeyd edək ki, Neyl El-Aynaui 2023-cü ildən "Lans"ın şərəfini qoruyurdu. O, meydana çıxdığı 130 oyunda 17 qolla yadda qalıb.
