Prezident İlham Əliyev Azərbaycan mediasının inkişafını yaxından izləyir.
Bunu “Report”a açıqlamasında Milli Məclisin üzvü Hikmət Babaoğlu deyib.
Deputat vurğulayıb ki, dövlət başçısı III Şuşa Qlobal Media Forumunda 150 illik yubileyini qeyd etdiyimiz milli mətbuatımızla bağlı maraqlı fikirlər səsləndirdi və özünəməxsus yüksək qiymətləndirmə apardı:
"Bu, 150 illik yubileyimiz üçün möhtəşəm təbrik kimi qəbul edilə bilər. Həmin təbrikdən biz daha sürətlə və yaxşı fəaliyyət göstərmək üçün mühüm motivasiya əldə etmiş olduq. Mənə elə gəlir ki, media mənsubları bunu bir avans olaraq qəbul etməlidirlər”.
