UEFA Konfrans Liqasının II təsnifat mərhələsi çərçivəsində keçiriləcək “Araz-Naxçıvan” – “Aris” oyunöncəsi mətbuat konfransları və açıq məşqlərinin vaxtı müəyyənləşib.
Msport.az xəbər verir ki, “Aris”in mətbuat konfransı iyulun 23-də, saat 17:00-da başlayacaq.
İlk 15 dəqiqəsi media üçün açıq olacaq məşq isə saat 18:00-da start götürəcək.
“Araz-Naxçıvan”ın baş məşqçisi Elmar Baxşıyev və bir futbolcunun iştirakı ilə keçiriləcək oyunöncəsi mətbuat konfransı isə saat 19:00-da başlayacaq. Saat 19:30-da məşqə start veriləcək və ilk 15 dəqiqəsi media üçün açıq olacaq.
Hər iki komandanın mətbuat konfransları və məşqləri “Dalğa Arena”da keçiriləcək.
