“Roma” heyətini yeni futbolçu ilə gücləndirməyə hazırlaşır.
QOL.az xəbər verir ki, bu barədə insayder Fabritsio Romano məlumat yayıb.
İtaliya təmsilçisi İrlandiya millisinin və “Brayton”un forvardı Evan Ferqyusonu icarəyə götürür. Tərəflər artıq 20 yaşlı oyunçunun keçidi ilə bağlı razlaşıblar.
Bildirilir ki, Evan artıq bu gün İtaliyaya səfər edəcək.
Hücumçu keçən mövsüm "Brayton"la 13 Premyer Liqa oyununa çıxıb və 1 qol vurub. O, qışda icarə əsasında “Vest Hem”ə keçib, 8 oyunda meydanda olub.
