PSJ və İtaliya millisinin qapıçısı Canluici Donnarumma yay transfer dönəmində Avropanın iki nəhəng klubunun maraq dairəsinə düşüb.
90deqiqe.Az-ın məlumatına görə, 26 yaşlı qolkiperin xidmətində Almaniyanın “Bavariya” və İngiltərənin “Mançester Siti” klubları maraqlıdır. Hər iki klub artıq oyunçunun agenti ilə əlaqə saxlayıb.
Donnarumma-nın Paris təmsilçisi ilə mövcud müqaviləsi 2026-cı ilin yayına qədər davam edir. “Transfermarkt” portalı təcrübəli qapıçıya 40 milyon avro qiymət qoyub.
Ötən mövsüm Donnarumma PSJ-nin heyətində 47 oyunda meydana çıxıb. Bu qarşılaşmalarda 43 qol buraxan qapıçı 17 matçda qapısını toxunulmaz saxlamağı bacarıb.
