Ağdam rayonunda ev, Beyləqan rayonunda isə təndirxanada yanğın olub.
Bu barədə Bakues.az-a Fövqəladə Hallar Nazirliyindən bildirilib.
Məlumata görə, Ağdam rayonunun Səfərli kəndində ümumi sahəsi 126 m² olan birmərtəbəli 4 otaqlı evin bir otağının tavanı 20 m² sahədə yanıb.
Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
Bundan başqa, Beyləqan rayonunun Əmirzeyidli kəndində ümumi sahəsi 20 m² olan təndirxananın dam örtüyünün yanar konstruksiyaları və 10 paq.m kabel yanıb.
Yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
