“İnci” Məcburi köçkün qadınlar İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə “Doğma yurdlarına dönmüş ailələrlə sosial-psixoloji iş” layihəsini həyata keçirir.
Layihənin əsas məqsədi Böyük Qayıdış proqramı nəticəsində doğma yurdlarına dönmüş ailələrə, uşaqlara sosial, psixoloji dəstək göstərməkdən ibarətdir.
Layihənin başlanması ilə bağlı məlumatlandlrma işlərinin həyata keçirilməsi, layihə komandasının formalaşması, dövlət orqanları və maraqlı tərəflərin iştirakı ilə müzakirələrin təşkil olunması işi həyata keçirilmişdir. Layihənin icra planına uyğun olaraq 17, 18 iyul 2025- ci il tarixlərində Cəbrayıl şəhərində və Füzuli şəhərində doğma yurdlarına dönmüş ailələrlə sosial-psixoloji iş, sosiallaşma, yeni mühitə uyğunlaşmaya dair qrup görüşlərı, psixoloji məşğələlər, konsultasiyalar keçiriləcəkdir. Görüşlərdə uşaqlar, onların valideynləri iştirak edəcək və interaktiv müzakirələr aparılacaqdır. Görüşlərdə doğma yurdlarına dönmüş ailələrin, sosial psixoloji adaptasiya, yeni şəraitə uyğunlaşma məsələsi uşaqların asudə vaxtlarının təşkili prosedurları ilə bağlı məlumat veriləcək və onların müxtəlif təlim və seminarlara cəlb edilməsi, öz istəklərinə uyğun bacarıqlarının inkişaf etdirilməsi ilə məşğul olmaları müəyyənləşdiriləcəkdir.
21 iyul 2025- ci il tarixində isə görüşlərdə fəallıq edən, əldə etdiyi bacarıqları öz həmyaşıdları arasında bölüşə biləcək yeniyetmə və gənclərin iştirakı ilə 1 günlük Yay Məktəbi təşkil olunacaqdır. Yay Məktəbi üzrə tədbirdə 20 uşaq, yeniyetmə və gənc iştirak edəcəkdir. Yay Məktəbində Xüsusi nümayəndəliyin əməkdaşları, Yeni yaşayış məntəqələrində asudə vaxtın təşkili, mədəni tədbirlər, sağlam həyat tərzini təbliğ edən və xidmətləri təmin edən qürumların nümayəndələri, uğur qazanmış gənclər, müxtəlif ekspertlər iştirak edəcəkdir. Doğma yurdlarına dönmüş sosial psixoloji dəstəyə, sosial inteqrasiyaya, yəni şəraitə uyğunlaşma dönəmi olan ailələr, uşaqlar və yeniyetmələrin İştirakı ilə müxtəlif oyunlar, gəzintilər keçiriləcək, sosiallaşma, sosial-psixoloji adaptasiya, yeni mühitə uyğunlaşma, mina təhlükəsi və partlayicı sursatların təhlükəsinə dair müzakirələr təşkil olunacaq, öz istəklərinə uyğun bacarıqlarının inkişaf etdirilməsi ilə məşğul olmaq imkanları təşviq olunacaqdır.
Hurriyyet.az
.jpg)
