“Real” “Benfika”dan futbolçu Alvaro Karrerasın transferini rəsmən açıqlayıb.
“Qafqazinfo” xəbər verir ki, bu barədə klubun mətbuat xidməti məlumat yayıb.
22 yaşlı sol cinah müdafiəçisi İspaniya təmsilçisi ilə 2031-ci ilin yayına qədər müqavilə imzalayıb.
Karreras “Real”ın yetirməsidir. O, ötən yay İngiltərənin “Mançester Yunayted” klubundan 6 milyon avroya Portuqaliyanın “Benfika” komandasına keçmişdi.
Qeyd edək ki, daha əvvəl yayılan xəbərlərə əsasən, bu transfer Madrid klubuna 50 milyon avroya başa gəlib.
