Sfera.az portalından əldə olunan məlumata əsasən, ain.az xəbər verir.
Portuqaliyalı alimlər tərəfindən aparılan yeni tədqiqat, stress və sosial davranışla əlaqəli hormonların psixopatik şəxsiyyət xüsusiyyətlərinin inkişafında mühüm rol oynaya biləcəyini ortaya qoyub.
Sfera.az xəbər verir ki, tədqiqatçıların fikrincə, yüksək impulsivlik və antisosial davranış sərgiləyən şəxslərdə əsas stress hormonu olan kortizolun səviyyəsi yüksəlir. Bu araşdırma, psixopatiyanın daha çox stressə zəif reaksiya ilə xarakterizə olunduğu barədə uzun müddətdir qəbul edilmiş fərziyyəyə ziddir. Lakin bütün psixopatik xüsusiyyətlər kortizolla eyni əlaqəni göstərməyib.
Belə ki, emosional soyuqluq və həssaslıq əlamətləri olan insanlarda kortizol səviyyəsi ilə belə bir əlaqə müşahidə edilməyib. Tədqiqatda digər hormonlar – testosteron, “DHEA” və oksitosin də incələnib. Lakin alimlər bu hormonların psixopatik xüsusiyyətlərlə əlaqəsində daha az ardıcıl nəticələr əldə ediblər.
Bu ziddiyyətli nəticələr, əsasən iştirakçıların yaşı, cinsi və istifadə olunan ölçmə metodlarındakı fərqlərlə izah olunur. Müəlliflər vurğulayıblar ki, hormonlar psixopatiyanın yeganə səbəbi deyil.
Onlar psixoloji və sosial amillərlə birlikdə vacib rol oynaya bilər. Bu cür elmi məlumatların gələcəkdə xüsusilə gənclərdə ciddi davranış pozuntularının erkən diaqnozu və qarşısının alınması üçün faydalı ola biləcəyi qeyd olunub.
Fidan Hacızadə
Sfera.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
