2025-ci ilin yanvar-may aylarında Rusiyanın müsbət xarici ticarət saldosu 2024-cü ilin yanvar-may ayları ilə müqayisədə 19,3% azalaraq 52,6 milyard dollar təşkil edib.
Bakues.az “İnterfaks”a istinadən xəbər verir ki, bu, Federal Gömrük Xidmətinin (FCS) hesabatında yer alıb.
Hesabata görə, 2025-ci ilin yanvar-may aylarında Rusiyanın xarici ticarət dövriyyəsi 271,5 milyard dollar təşkil edib və 2024-cü ilin yanvar-may ayları ilə müqayisədə 3,2% azalıb.
2025-ci ilin yanvar-may aylarında Rusiyadan Avropaya 11,3% azalaraq 24,1 milyard dollar, Asiyaya – 123,3 milyard dollar, 5,2%, Afrikaya – 9,2 milyard dollar, 7,2%, Amerikaya 5,5 milyard dollar (4,5% azalma) mal ixracı həyata keçirilib.
2025-ci ilin yanvar-may aylarında Avropadan Rusiyaya idxal 2,8% azalaraq 27,9 milyard dollar, Asiyadan – 2,6% artaraq 73,4 milyard dollar, Afrikadan – 36,8% artaraq 2,0 milyard dollar, Amerikadan – 6,2 milyard dollar (7,7 faiz artaraq) təşkil edib.
Asim
