"Bitcoin”in qiyməti 3,5% artaraq tarixdə ilk dəfə 113 000 dollar həddini keçib. SİA xəbər verir ki, bu RİA Novosti ticarət məlumatlarına istinadən məlumat yayıb.
Ən böyük kriptovalyuta birjası “Binance”də, Bakı vaxtı ilə saat 21:10-a olan məlumata görə, “Bitcoin” bir gündə 3,49% artaraq 113 231,01 dollara çatıb. 20-dən çox birjanın məlumatları əsasında orta çəkili qiymət hesablayan “CoinMarketCap”ın məlumatına görə, “Bitcoin”in qiyməti orta hesabla 3,57% artaraq 113 351,27 dollara çatıb. Məlumatlar həmçinin son 24 saat ərzindəki dinamikanı əks etdirir.
