Fransa bütün il boyu turistlər arasında böyük populyarlıq qazandığından, Paris və ya Nitsa kimi məşhur şəhərlərdə yerə alma düşməyəcək qədər izdiham olur. Lakin Fransa çox böyük və müxtəlifli ölkədir, ona görə də burada hələ də çoxlu gözəl, görülməyə dəyər və turist izdihamı olmayan yerlər var.
HİT.az xəbər verir ki, Fransada demək olar beş il yaşamış səyahət eksperti Vinisius Kosta "Travel Off Path" üçün yazdığı məqalədə ölkədə sakit istirahət etmək və həyatın təmtəraqlığından zövq almaq olan üç az məşhur sehrli orta əsr şəhəri haqqında danışıb.
Ruan
Parisdən qatarla cəmi bir saatlıq məsafədə yerləşən bu şəhəri Kosta özünün ən sevimli həftəsonu məkanlarından biri adlandırır: orta əsrlərə qədər uzanan zəngin tarix, çoxlu gözəl görməli yerləri olan yaxşı qorunmuş tarixi mərkəz və digər şəhərlərlə müqayisədə daha sakit atmosfer:
"Məndən soruşsanız, Ruanda yaxşı bir gün keçirmək üçün orta əsr Astronomik saatını görməli, Parisdəki Natre-Dam kafedralından heç də geri qalmayan qotik kafedralı heyranlıqla seyr etməli və onun dar küçələrində itirməlisiniz. Bu küçələr boyunca rəngli evlər və əl işi məmulatları ilə yerli delikateslər satan dükanlar sıralanır. Mədəniyyət həvəskarı yoldaşlarım, Janna d'Arkın yandırıldığı köhnə bazarsahəsi olan Vyö-Marşeni qaçırmayın".
O, həmçinin "Ruanda ən yaxşı qrep" üçün Crêperie Roland restoranına baş çəkməyi və Eo de Robek küçəsini gəzməyi tövsiyə edir. Bu küçə şəhərin ən sevimli faxvərkli evləri ilə gözəl çay boyunca uzanan kafelərlə doludur.
Trua
Bu kiçik orta əsr qəsəbəsi ilk növbədə özünün daş döşənmiş küçələri, tipik fransız maisons à colombage (faxvərkli evcikləri) və həsəd doğuran qotik kilsə kolleksiyası ilə tanınır.
"Şəhərin əsas dini tikilisi olan Trua kafedralı – tək minarəsi, bəzəkli portalı və gözəl rozeta pəncərəsi ilə unudulmaz mənzərədir. Maraqlısı budur ki, ikinci minarənin tikintisi üçün kifayət qədər pul olmadığından, o asimmetrik qalıb", deyə təcrübəli səyyah danışır.
Onun sözlərinə görə, arxitektura ilə maraqlanan turistlərə Trua mütləq xoş gələcək. Eyni zamanda, qurmanlar üçün maraqlı ola bilər ki, məhz bu şəhər şirəli (işkəmbədən hazırlanan) fransız "anduyet" kolbasasının vətənidir – onları dadmaq üçün Chez Félix restoranına getmək lazımdır.
Onfler
"Normandiya Fransada ən populyar turistik istiqamətlərdən biridir, bu təəccüblü deyil, çünki burada Mon-Sen-Mişel kimi dünyaşöhrətli görməli yerlər və müttəfiqlərin çıxdığı çimərliklər yerləşir. Amma yenə də onun ən gözəl şəhərlərindən birinin diqqətdən kənarda qalması düşüncəsindən qurtula bilmirəm", deyə Kosta narazılığını bildirir.
Onun sözlərinə görə, Onfler – sahilboyu dar göy və ya boz evləri, daş döşənmiş küçələrlə kəsişən labirintvari Köhnə Şəhəri və 550 ildən çox yaşı olan (Fransada qorunub saxlanılan ən qədim) monumental taxta kilsəsi ilə seçilən sehrli port şəhəridir.
"Şəhər mənzərəsinə uzaqdan baxanda, Onfler doğumlu Ejjen Budenin Klod Mone və digər məşhur fransız rəssamlarının işini davam etdirməsi nəticəsində impresionizmin (bəli, rəssamlıq məktəbi kimi) necə burada meydana gəldiyini başa düşmək asandır. Hər dəfə Onflerdə olanda (hər fürsətdə gedirəm), ənənəvi Normandiya mətbəxi ilə Asiya notları olan La Fleur de Sel meyxanasına uğramayı və sahilə panoramik mənzərə açılan Grande Roue tamaşaçı çarxında gəzməyi sevirəm", deyə Fransa sakini əlavə edir.
Samir
