Avtosfer saytından alınan məlumatlara görə, ain.az xəbər verir.
Parislilər 2018-ci ildə skuterlə tanış olduqda çox sevincli idilər: şəhər sakinləri yeni fərdi mobillik vasitəsinin ortaya çıxmasından razı idilər. Lakin bu sevinc uzun sürmədi.
Avtosfer.az xəbər verir ki, skuter icarəsi ilə Parisdə bir neçə şirkət məşğul olurdu. Onların balansında 15 minədən skuter vardı və icarədən kifayət qədər ciddi gəlir götürürdülər.
Cəmi 2 il ərzində əhali bu mobillik vasitəsindən bezdi və narazılıqlar artdı. Səbəb də məlum idi: qəzalar çoxalır, xəsarət alanların sayı artırdı. Parisdə əcnəbilərin sayının yerli sakinləri üstələdiyini də nəzərə alsaq, ortaya başqa mənzərə də çıxırdı: skuterdən xəsarət alan sığortalı turistlərin xəstəxana xərclərini qarşılamaq ölkənin sığorta sisteminə də əlavə yük yaradırdı.
Buna görə də Paris bələdiyyəsi 2023-cü ilin iyununda skuter icarəsinin qadağan edilməsi məsələsini referenduma çıxardı. Nəzərə alaq ki, Fransada nəyisə qadağan etmək çox çətindir. Bunun üçün uzun-uzadı prosedurlar tələb olunur. Referendum da bu səbəbdən doğmuşdu.
Ümumxalq səsverməsinin nəticələri gözlənilməz olmadı. Seçicilərin 89 faizi skuter icarəsinin qadağan edilməsinə səs verdi. Bu nəticəyə əsaslanan bələdiyyə 1 sentyabr 2023-cü ildən skuter icarəsinin qadağan etdi.
Bu il aprelin 1-də isə skuterlərin yenidən Fransa kapitalına qayıdacağı barədə yayılan xəbər isə elə 1 aprel zarafatı idi.
Vüqar Yaşaroğlu
Sonrakı hadisələr barədə daha çox məlumat almaq üçün ain.az saytını izləyin.
