İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov “Euronews” beynəlxalq xəbər kanalının enerji texnologiyaları və qlobal tendensiyalara həsr olunmuş “Energy Frontiers” proqramına müsahibə verib.
Müsahibədə süni intellekt və qabaqcıl texnologiyaların enerji sektoruna təsiri, Azərbaycanın bu sahədə atdığı strateji addımlar və gələcək texnoloji inkişaf perspektivləri vurğulanıb. Azərbaycanın Süni İntellekt Strategiyası, Rəqəmsal İnkişaf Konsepsiyası və KOB-lara dəstək proqramları qeyd olunub.
