İsveçrə hökuməti Ukraynanın bərpası üçün 5 milyard İsveçrə frankı (təxminən 6,2 milyard ABŞ dolları) məbləğində maliyyə yardımı ayırmaq qərarına gəlib.
Bu barədə Ukrayna prezidenti Volodimir Zelenski İsveçrə Milli Şurasının prezidenti Maya Rinekker ilə görüşdən sonra məlumat verib.
Zelenski bildirib ki, görüş zamanı beynəlxalq vəziyyət, tərəfdaşlarla əməkdaşlıq və İsveçrənin dəstək proqramları müzakirə olunub. O, göstərilən dəstəyə görə İsveçrə tərəfinə təşəkkür edib və vurğulayıb ki, bu maliyyə yardımı sayəsində humanitar sahədə bir çox perspektivli layihələr həyata keçirilə bilər.
Yardımın aşağıdakı sahələrə yönəldilməsi planlaşdırılır:
- Müharibədən zərər çəkmiş infrastrukturun bərpası
- Humanitar layihələrin reallaşdırılması
- Ukraynanın sosial və iqtisadi dirçəlişinə dəstək
Qeyd edək ki, bu yardım İsveçrənin Ukraynaya göstərdiyi ən iri maliyyə dəstəklərindən biridir.
//Samir Qurbanov, Editor.az
