“Zirə” klubu gürcüstanlı futbolçusu Georgi Papunaşvili ilə müqavilə müddətini uzadıb.
"Report" klubun mətbuat xidmətinə istinadən xəbər verir ki, onunla yeni 2 illik razılıq əldə olunub.
Yarımmüdafiəçi 2026/2027 mövsümünün sonuna qədər “Zirə”də çıxış edəcək. O, 2024-cü ilin yayından paytaxt təmsilçisinin formasını geyinir.
Qeyd edək ki, Georgi Papunaşvili ötən mövsüm "Zirə"nin heyətində 33 qarşılaşmada 7 qol vurub, 3 ötürmə edib.
