Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi bu ilin birinci yarımilində 229 min 500 şəxsi aktiv məşğulluq tədbirləri ilə əhatə edib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 74 mini münasib işlərlə təmin olunub, 9 min 800-i kiçik ailə təsərrüfatlarını yaratmaları üçün özünüməşğulluq proqramına cəlb edilib.
Bu ilin 6 ayında 6 min 100 işsiz şəxs üçün isə peşə hazırlığı kursları təşkil olunub, 139 min 600 nəfərə peşəyönümü xidmətlər göstərilib.
