Yaponiyada manqa müəllifi Ryo Tatsukinin 25 il əvvəl yazdığı “Gördüyüm gələcək” adlı komiksindəki iyul fəlakəti barədə səhnələr son günlər sosial şəbəkələrdə geniş yayılıb və ölkədə ciddi təlaşa səbəb olub.
Moderator.az xəbər verir ki, sözügedən komikdə 2025-ci ilin iyul ayında baş verəcək güclü zəlzələ və sunami təsvir edilir.
Daily Mail-in məlumatına görə, bir çox turist bu səbəbdən Yaponiyaya səfər planlarını ləğv edib. Yapon hökuməti və meteoroloji qurumlar isə insanları panikadan çəkinməyə, yalnız elmi məlumatlara əsaslanmağa çağırır.
Ryo Tatsuki özü də bildirib ki, o peyğəmbər deyil və yuxuları sadəcə şəxsi təəssüratlardır. Bununla belə, bəzi oxucular onun manqasındakı öncəgörmələrin əvvəlki illərdə gerçəkləşdiyini iddia edirlər.
