Xəbər verdiyimiz kimi həbsdə olan prodüser Təranə Səmədovanın qızı Suel efirə çıxıb.
Anasının azadlığa çıxmasını və Körpələr evində olan bacısı Adeli yanlarına gətirib baxmaq istəyən prodüserin qızı ilə bağlı mövzuya müğənni Rəqsanə İsmayılova verilişə qoşularaq münasibət bildirib.
"Təranənin kiçik qızı Adeli 8 ay mən evimdə saxlamışam. Bu gün Adelin uşaq evində olma səbəbi Təranənin özüdür. Həbsdə ola-ola məni polisə verdi, DİN-ə yazdı ki, uşağımı qaçırdıb gizlədir. Evdə ailəm bu məsələyə görə mənimlə dava etməyə başladı. O uşağı məndən qopartdılar. Məcur qalıb uşaq evinə verdim. Eyni evdə bacısı ilə böyüyəcəkdi, Suel ona baxırdı, öz övladımın dayələri həmçinin. Suel dedi ki, məni uşaq evinə versən özümü öldürəcəyəm. Aparıb Kəmalə Ağazadənin yanına qoydum. İki həftə keçdi, evdə yemək boğazımda qalırdı. İcazə alıb yanıma gətirdim. Suel dizlərimdən yapışdı ki, Rəqsanə xala məni buraxma! Ağladı ki, məni ora vermə. Bu gün də saxlayıram. Anası həbsdən çıxsa da, gələcəkdə yanında olacağam. Ancaq Təranə ilə aramızda heç bir yaxşı münasibətdən söhbət gedə bilməz. Qadın olaraq yanında olaram. Evini təmirinə, işə girməyinə kömək edərəm. Mebellərini alaram. Hamısını kənardan edərəm. Çünki Təranə düzəlməyəcək. Mən buna başımla əminəm"./Milli.Az
