Əməkdar artist Sevda Ələkbərzadə sonuncu solo konsertindən danışıb.
Milli.Az xəbər verir ki, müğənni "Günə bax" proqramında qonaq olarkən bir çoxlarının ondan pulsuz bilet istəməsindən danışıb. Ələkbərzadə bildirib ki, konserti üçün sponsoru olmayıb:
"Pərəstişkarlarım var idi, yaxınlaşıb bilet istəyirdilər. Reaksiyanı görürdüm ki, insan təəccüblənir necə bilet alım? Mən necə bilet alım? Kiminsə sənətini sevirəmsə, konsertidirsə, pul ödəyib gedəcəyəm. Yeməyi sevəndə restoranda sifariş edir və pulunu verirsən. Konsert sponsorsuz keçdi, ancaq bilet satışından pul əldə etdik. Mümkün deyildi ki, başqa nədəsnsə pul alaq. Heç öz maaşımı düşünmürdüm. Oradakı musiqiçilər və digər çalışanların pulunu düşünürdüm".
Ad günü olan S. Ələkbərzadə hisslərini bölüşüb:
"Həyatın hər günü, saniyəsi gözəldir. Sadəcə, bunu dərk etmək lazımdır. 30 yaşım olanda ad günümdə çox ağladım ki, qocalıram. Amma yaş keçdikcə anlayırsan ki, bu, Allahdan bir nemətdir. Hər ilim, günüm, saniyəm gözəldir". (Axşam.az)
Milli.Az
