ain.az xəbər verir, Azpolitika.az saytına əsaslanaraq.
Avropada miqrasiya mənzərəsi dəyişməkdədir. Son illərdə sığınacaq müraciətlərinə görə lider olan Almaniya 2025-ci ilin ilk yarısında bu mövqeyini itirib. Almaniyanın nüfuzlu “BILD” nəşrinin məlumatına əsasən, ölkə bu il Aİ-də yalnız üçüncü yerdə qərarlaşıb.
Almaniyada 2025-ci ilin ilk altı ayında cəmi 61 300 ilkin sığınacaq müraciəti qeydə alınıb. Bu, ötən ilin eyni dövrü ilə müqayisədə təxminən 50% azalma deməkdir (2024-cü ildə – 121 426 müraciət). Xüsusilə iyun ayında müraciətlərin sayı 7 mini keçməyib ki, bu da 2013-cü ildən bəri ən aşağı göstəricidir.
Almaniya hökumətinin qəbul etdiyi yeni sərt tədbirlər müraciətlərin azalmasına birbaşa təsir edib. Bunlara aşağıdakılar daxildir:
Sərhədlərdə əlavə yoxlamalar;
Ailələrin birləşdirilməsi proqramının dayandırılması;
Sürətləndirilmiş vətəndaşlıq prosedurunun ləğvi;
“Təhlükəsiz ölkələr” siyahısının genişləndirilməsi.
Daxili işlər naziri Aleksandr Dobrindt yeni siyasəti belə şərh edib: “Bunlar miqrasiyanın tərsinə çevrilməsi istiqamətində açıq-aydın uğurlardır. Bu yolda ardıcıl şəkildə irəliləyirik”.
Avropa Komissiyasının hesabatına əsasən, 2025-ci ilin ilk yarısında ən çox sığınacaq müraciəti alan ölkələr aşağıdakılardır:
İspaniya – 76 020 müraciət
Fransa – 75 428
Almaniya – 61 300
Ən az müraciət edilən ölkələr isə Macarıstan (47), Slovakiya (84) və Litva (152) olub.
Almaniyaya ən çox müraciət edən ölkələr:
Əfqanıstan – 22%
Suriya – 20%
Türkiyə – 11%
İraq və Rusiya da ilk beşlikdə yer alır (rusiyalıların payı 3,1%).
Almaniyanın sərt miqrasiya siyasəti bir tərəfdən ictimai sabitliyə xidmət etsə də, digər tərəfdən sığınacaq axtaranların marşrutlarını dəyişir.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
