...Qırmızı şərab Britaniyada həkimlərə xəstədə xərçəngin aqressiv formasını aşkarlamağa kömək edib.
SİA-nın məlumatına görə, bu barədə Daily Mail yazır.Tennis məşqçisi Simon Bouler boynunda ümumi kisti müalicə edərkən qırmızı şərabın ona həmişəkindən fərqli təsir etdiyini görüb.
O, hər dəfə bir şüşə şərab içirdi, lakin 2023-cü ilin oktyabrında sadəcə bir stəkandan sərxoş olduğunu fərq etdi. Bu qeyri-adi simptom boyunda bir şiş, başgicəllənmə və bulanıq görmə ilə müşayiət olunurdu.
Müayinədən sonra həkimlər Bouler-ə ölümcül xəstəlik olan melanoma diaqnozu qoydular.
Yeri gəlmişkən, Daily Mail-in məlumatına görə, hər il 2000-dən çox britaniyalı həyatını bu xəstəliklə itirir.
...2024-cü ilin fevralında britaniyalının boynundakı şiş çıxarıldı və o, immunoterapiya kursu keçdi.
Ancaq bu ona kömək etmədi: residiv baş verdi və şiş Boulerin beyninə yayıldı.
İmmunoterapiya dərmanlarına ikinci cəhd yalnız xəstənin vəziyyətini pisləşdirdi, buna görə də o, növbəti addımlar barədə onkoloqlarla məsləhətləşir.
...Melanoma ultrabənövşəyi şüaların hüceyrələrə təsiri nəticəsində yarana bilər. Yalnız açıq dəridə deyil, həm də saçın altındakı başda və ya ağız boşluğunda - selikli qişalarda görünə bilər.
Bu xəstəliyin qarşısını almaq üçün həkimlər hər dəfə evdən çıxmazdan əvvəl yüksək qoruyucu faktorlu (SPF) günəş kremindən istifadə etməyi məsləhət görürlər.
Nazlı Almuradova
