Estoniya Prezidenti Alar Karis Estoniya Pravoslav Xristian Kilsəsinə (EPXK) qarşı yönəlmiş "Kilsələr və icmalar haqqında qanuna dəyişikliklər" layihəsini imzalamaqdan yenidən imtina edib. Bu barədə Postimees nəşri məlumat yayıb.
Siyasətçinin sözlərinə görə, qanun layihəsi yalnız xarici təsirlə mübarizəyə deyil, həm də kilsə təlimi və dini ayinlər üzərində nəzarətin qurulmasına yönəlib. O əlavə edib ki, xarici təsirlə mübarizə aparmaq üçün bu qədər geniş müdaxilə tələb etməyən digər alətlər də mövcuddur.
Bundan əlavə, Karisin sözlərinə görə, sənəddə “təhlükə” anlayışı çox qeyri-müəyyən şəkildə ifadə olunub. Bu isə ondan irəli gəlir ki, qanun əvvəllər zorakılığı müdafiə etmiş dini icmalara da şamil oluna bilər. O vurğulayıb ki, bu cür təşkilatlarla əlaqələrin qadağan edilməsi qanunun məqsədlərinə uyğun deyil.
“Riigikogu (Estoniya parlamenti) "Kilsələr və icmalar haqqında qanuna dəyişikliklər" layihəsinin mətninə bəzi düzəlişlər etsə də, bu dəyişikliklər kifayət deyil. Qanun hələ də konstitusiyanın üç maddəsinə ziddir, birləşmə və dini etiqad azadlığını proporsional olmayan şəkildə məhdudlaşdırır”, – deyə prezident qeyd edib.
