Tənqidçilər tərəfindən bəyənilən Britaniya serialı “Industry”nin ulduzlarından olan Marisa Abela Amazon MGM-nin 1980-ci illərin kult klassiki “Highlander” remeykində Henri Kavill və Russell Krou ilə birlikdə rol alacaq.
Hafta.az-ın “Deadline”a istinadən yazdığına görə, rejissor "John Wick" serialındakı işi ilə tanınan Çad Stahelskidir. Filmin təkcə Amazon Prime Video-da deyil, kinoteatrlarda da nümayişi planlaşdırılır.
İlk “Highlander” 1986-cı ildə buraxılıb və mərkəzi Kristofer Lambertin canlandırdığı Konnor MakLeod üzərində quruldu. Orta əsr Şotlandiyada yaşayan MakLeod ölməz döyüşçü olduğunu kəşf edir və Sin Konnerinin qılınc ustası Ramirezin rəhbərliyi altında əsrlər boyu digər ölməzlərlə döyüşür. Hekayə müxtəlif zaman dövrləri arasında sıçrayır.
Yeni adaptasiyada Henri Kavill MakLeod obrazını, Oskar mükafatlı aktyor Rassel Krou isə Ramirez obrazını canlandırır.
Ssenarisi “Predators” və “John Wick 4” ilə tanınan Maykl Finç tərəfindən yazılmış layihə ilk filmə sadiq qalır, lakin hekayəni daha dərin və daha mürəkkəb bir kainatda yenidən təsəvvür edir. Mənbələrə görə, bu versiyada dünyanın hər yerindən daha çox ölməz personajlar yer alacaq.
Görkəmli yeni personajlardan birini Marisa Abela canlandıracaq. Abela keçmişdə MakLeodun böyük sevgisi, qılınc ustası və məşqçisi olan ölməz obrazı canlandıracaq.
Çəkilişlərin sentyabrda başlaması planlaşdırılır. İstehsal Şotlandiya və Britaniya kimi müxtəlif yerlərdə, eləcə də Honq Konqda aparılacaq.
Abela bu yaxınlarda “Industry” serialının üçüncü mövsümündəki performansına görə BAFTA qazanıb. O, həmçinin ilin məşhur casus trilleri olan "Qara Çanta Əməliyyatı"nda Maykl Fassbender və Keyt Blançett kimi böyük adlarla kamera qarşısına keçərək diqqət çəkib. Film Stiven Soderberqin rəhbərliyi altında buraxıldı və yüksək rəylər aldı.
