Gəncədə bədbəxt hadisə baş verib.
APA-nın yerli bürosunun məlumatına görə hadisə şəhərin DOS-6 adlanan yaşayış massivində qeydə alınıb.
Belə ki, sözügedən ünvanda yaşayan 1951-ci il təvəllüdlü V. Rzayev yaşadığı ünvanda hovuzun suyuna baxmaq istəyən zaman huşunu itirib.
Nəticədə 74 yaşlı kişi hovuza düşərək suda boğulub ölüb. Məlumata görə V. Rzayevin ürəyində problemi olub. O bir müddət əvvəl ürəyindən əməliyyat edilibmiş. Hadisə vaxtı yaşlı kişi evdə tək olub
Faktla bağlı araşdırma aparılır.
