“Barselona” klubu 2025/26 mövsümündə istifadə edəcəyi yeni ev formasını ictimaiyyətə təqdim edib.
90deqiqe.Az-ın məlumatına görə, bu barədə klubun rəsmi saytı məlumat yayıb.
Forma ənənəvi mavi-qranat rənglərdə dizayn olunub.Komandanın texniki sponsoru bu mövsümdə də ABŞ-ın dünyaca məşhur idman brendi “Nike”dir. Yeni forma həm klassik üslubun davamı, həm də müasir elementlərlə zəngin tərtibatı ilə diqqət çəkir.
Xatırladaq ki, “Barselona” 2024/25 mövsümünü İspaniya La Liqasının çempionu kimi tamamlayıb. Komanda turnir cədvəlində 2-ci yeri tutan “Real Madrid”i 4 xal qabaqlayaraq qızıl medallara sahib çıxıb.
Kataloniya təmsilçisi UEFA Çempionlar Liqasında isə yarımfinal mərhələsində mübarizəni dayandırıb. “Barselona” bu mərhələdə turnirin gələcək finalçısı olan İtaliya klubu “İnter”ə məğlub olub.
