Beynəlxalq alimlər qrupu qadınların hirslənməyə meylinin yaşla, perimenopoz dövründən başlayaraq əhəmiyyətli dərəcədə azaldığını müəyyən edib. Tədqiqatda 35-55 yaş arası 500-dən çox qadın iştirak edib və ilk dəfə olaraq hirslənməyə meylliliyin yaşa və reproduktiv qocalma mərhələlərindən asılı olaraq necə dəyişdiyini izləmək mümkün olub.
Moderator.az "Unikal"-a istinadən xəbər verir ki, tədqiqat işi “Menopause” jurnalında dərc olunub.
Təhlil göstərir ki, temperament, reaktivlik, qəzəbin aqressiv ifadəsi və düşmənçilik də daxil olmaqla əksər qəzəb ölçüləri yaşla əhəmiyyətli dərəcədə azalıb.
Müəlliflər qadınların gündəlik həyatında qəzəbin təzahürlərini daha yaxşı başa düşmək və orta və qocalıqda emosiyaların idarə olunması üçün effektiv strategiyaların işlənib hazırlanması üçün əlavə tədqiqatlara ehtiyac olduğunu vurğulayırlar.
