ABŞ-nin Beynəlxalq İnkişaf Agentliyi (USAID) iyulun 1-də xarici yardım proqramlarını rəsmən dayandırıb.
"Unikal" xəbər verir ki, bunu ABŞ dövlət katibi Marko Rubio açıqlayıb.
"İyulun 1-dən USAİD rəsmi olaraq xarici yardımı dayandıracaq. Administrasiyanın siyasətinə uyğun gələn və Amerikanın maraqlarını inkişaf etdirən xarici yardım proqramları Dövlət Departamenti tərəfindən idarə olunacaq və burada onlar daha çox hesabatlılıq, strategiya və effektivliklə həyata keçiriləcək", - o, qeyd edib.
Rubio bunu “qlobal tərəfdaşlığın, sülhün, sərmayənin və rifahın yeni dövrünün başlanğıcı” adlandırıb.
