“Onu öldürmək Allah yoludur”
KONKRET.az xəbər verir ki, İranın tanınmış şiə dini alimi, Böyük Ayətullah Nəsir Məkarim Şirazi ABŞ prezidenti Donald Trampa qarşı öldürmə çağırışı ilə çıxış edib.
Ayətullahın fətvası dünya ictimaiyyətində ciddi rezonansa səbəb olub. O, fətvasında bildirib:
“Ali Lideri təhdid edən və ya ona qarşı hərəkət edən hər kəs mohareb – yəni Allahın düşmənidir və öldürülməsi vacibdir.
Əgər bu işdə sizə bir zərər gəlsə belə, siz Allah yolunda döyüşçü kimi tanınacaqsınız”.
Bu çağırış, İranın Ali Lideri Əli Xameneiyə qarşı təhlükələr fonunda səsləndirilib və Tehranın ABŞ-la artan gərginliyinə yeni, təhlükəli bir mərhələ əlavə edir.
Fətva beynəlxalq hüquq və diplomatiya baxımından da ciddi mübahisələr doğurub. Belə bir bəyanatın siyasi deyil, dini motivli bir ölüm çağırışı kimi səsləndirilməsi, regionda sabitliyi daha da sarsıda bilər.
Natiq Səlim,
KONKRET.az
