Qaynarinfo saytından alınan məlumata görə, ain.az bildirir.
Son günlərdə dünyanın gözü İtaliyanın Venesiya şəhərinə yönəlib. Dünyanın ən zəngin iş adamlarından biri və keçmiş xəbər aparıcısı olan cütlüyün "ilin hadisəsi" kimi gözlənilən toyu üçün sayılı günlər qalıb.
Qaynarinfo xəbər verir ki, Ceff Bezos və Loren Sançesin uzun müddətdir planlaşdırılan, nə qədər xərc çəkiləcəyi, kimlərin iştirak edəcəyi və hansı böyük şənliklərin keçiriləcəyi maraqla gözlənilən toyu öncəsi sürpriz iddia gündəmə gəlib.
Venesiyaya ulduz yağışı
Toyda iştirak etmək üçün yola çıxan məşhur qonaqlar səbəbilə Venesiyada son günlər adətən ulduz axını müşahidə olunub. Lakin hər kəs bu möhtəşəm mərasimi gözləyərkən, Ceff Bezos və Loren Sançesin artıq evləndiyi iddia olunub.
İddialara görə, cütlük 10 milyon dollarlıq üçgünlük toy mərasiminə baxmayaraq, Venesiyada evlilik qeydi aparmayıb və bu gün San Corco Maçore adasında keçiriləcək möhtəşəm mərasimdən əvvəl artıq qanuni olaraq evləniblər.
Hamı toyu gözləyirdi, onlar çoxdan evlənib
Mövzu ilə bağlı fikirlərini bölüşən hüquqşünaslar da bu xəbərin doğru olma ehtimalının yüksək olduğunu bildiriblər: "Xarici ölkədə baş tutan evliliklər ABŞ-da bəzən keçərli sayılmır və ya hüquqi problemlər yaradır. Bu səbəbdən, bəli, çox güman ki, artıq evləniblər".
İtalyan mənbələri də Bezos və Sançesin artıq evləndiyini təsdiqləyir.
Venesiyada evlənmək üçün müraciət də etməyiblər
Venesiya şəhər idarəsi cütlüyün İtaliya qanunlarına əsasən tələb olunan rəsmi prosedurları yerinə yetirmədiyini, nikahlarının artıq rəsmiləşdiyini və toyun sadəcə simvolik mərasim olduğunu açıqlayıb.
Məşhur aktyor Corc Kluni və həyat yoldaşı Amal Kluni də 2014-cü ildə Venesiyada toy ediblər, lakin mərasimdən əvvəl bələdiyyə binasında rəsmi nikaha daxil olmuşdular.
Digər tərəfdən, üç tanınmış boşanma üzrə vəkil Ceff Bezos və Loren Sançesin yaşadıqları və üç əlavə mülkə sahib olduqları Florida ştatının Mayami şəhərində evlilik öncəsi müqavilə imzaladıqlarını bildiriblər.
ABŞ qanunlarına görə, evlilik öncəsi müqavilələr qlobal miqyasda hüquqi qüvvəyə malik ola bilər, lakin boşanma yalnız əsas yaşayış yerinin yerləşdiyi ştatda həyata keçirilə bilər. Buna görə cütlük müqavilədə nə yazsa da, ayrılmaq istədikləri təqdirdə bunu Florida ştatında etməlidirlər.
Həm nikah, həm də müqavilə əvvəlcədən tamamlanıb
ABŞ vətəndaşı olan Bezos və Sançesin Venesiyada evlənmək üçün ABŞ konsulluğu əməkdaşı qarşısında and içərək nikaha maneə olmadığını təsdiqləyən bəyannamə imzalayacaqları bildirilib.
İtaliyada rəsmi nikah adətən bələdiyyə binasında keçirilir və ya cütlük hüquqi keçərliyin təmin olunacağı başqa bir məkan tələb edə bilər. Nikah zamanı bir bələdiyyə nümayəndəsi və iki şahid iştirak edir.
Məşhurlar Venesiyada əylənməyə toplaşıb
Ölkədə Roma Katolik kilsəsində keşiş tərəfindən bağlanan nikahlar da hüquqi baxımdan keçərlidir. Lakin Bezos və Sançes nə rəsmi müraciət ediblər, nə də kilsədə nikaha giriblər.
Məşhur cütlük toydan əvvəl Kim Kardaşyan, Kris Cenner və Xloey Kardaşyan, Opra Vinfri və Geyl Kinq, milyarder Berri Diller və dizayner həyat yoldaşı Dayan fon Fürstenberq, NFL əfsanəsi Tom Breydi, musiqi prodüseri Skuter Braun və müğənni Keti Perridən yeni ayrılan aktyor Orlando Blum kimi tanınmış qonaqların qatıldığı qarşılanma yeməyində son dəfə görüntüləniblər.
Sərvətini evlənmədən əvvəl "sığortaladı"
İndi isə ən çox maraq doğuran məsələ Ceff Bezos və Loren Sançesin imzaladığı evlilik öncəsi müqavilənin detallarıdır.
İddialara görə, Ceff Bezos milyardlarla dollarlıq sərvətini evlənmədən əvvəl qoruma altına alıb və ehtimal olunan bir boşanma vəziyyətində ödəyəcəyi təzminat məbləğini əvvəlcədən müəyyən edib.
Müqavilədə qeyd olunan rəqəmləri yalnız cütlük və onların hüquqşünasları bilir. Lakin Bezosun birinci həyat yoldaşı və "Amazon" şirkətinin qurucularından biri olan Makkenzi Skotla boşanarkən yaşadıqları hələ də yaddaşlardadır.
Bu dəfə səhv etmədi
Ceff Bezos Loren Sançeslə münasibətinə birinci həyat yoldaşından rəsmi olaraq ayrılmadan başlamışdı və boşanma prosesində ödədiyi təzminat mediada geniş əks-səda doğurmuşdu.
Makkenzi Skot 2019-cu ildə Bezosdan boşananda, "Amazon"dakı paylarının 25 faizini almışdı. Bu da həmin dövr üçün təxminən 38 milyard dollara bərabər idi.
Dərhal dünyanın ən varlı qadını oldu və sərvətini xeyriyyəyə sərf etdi
Beləliklə, bu boşanma hadisəsi tarixə ən bahalı boşanmalardan biri kimi düşdü və Makkenzi Skot bir anda dünyanın ən zəngin qadınına çevrildi.
Boşanmanın ardından Makkenzi Skot sərvətinin böyük hissəsini müxtəlif xeyriyyə təşkilatlarına bağışlayacağına söz verdi və o gündən bu yana milyardlarla dollar ianə edib.
Aydın
Daha ətraflı məlumat və yeniliklər üçün ain.az saytını izləyin.
