BAKI, 26 iyun. TELEQRAF
Sabirabad rayonunun Nizami kəndində “ГАЗель” markalı yük avtomobilinin mühərriki və idarəetmə lövhəsi yanıb.
Bu barədə Teleqraf-a Fövqəladə Hallar Nazirliyinin Mətbuat xidmətindən məlumat verilib.
Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan başqa, Masallı rayonunun Birinci Səmədxanlı kəndində ümumi sahəsi 66 m² olan tövlənin yanar konstruksiyaları 50 m² sahədə yanıb.
Tövlənin qalan hissəsi və yaxınlıqdakı ev yanğından mühafizə olunub. Yanğın yanğından mühafizə bölmələri tərəfindən söndürülüb.
