İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) doqquz hərbçisi İsrailin Tehranın cənubundakı Rey şəhərində SEPAH qərargahına endirdiyi zərbə nəticəsində həlak olub.
NOCOMMENT.az bildirir ki, Tasnim xəbər agentliyi xəbər verir.
Qərargaha hücum iyunun 23-də, atəşkəs əldə olunmamışdan əvvəl həyata keçirilib.
İsrail iyunun 13-nə keçən gecə İrana qarşı hərbi əməliyyata başlayıb, bir gün keçməmiş İslam Respublikası cavab hücumuna başlayıb. Birləşmiş Ştatlar münaqişənin gərginləşməsindən doqquz gün sonra daxil olub: iyunun 22-nə keçən gecə Amerika qüvvələri İranın üç nüvə obyektinə hücum edib. İyunun 23-ü axşam saatlarında Tehran Amerikanın Yaxın Şərqdəki ən böyük aviabazasına, Qətərdəki Əl Udeyd aviabazasına raket zərbəsi endirib. Daha sonra ABŞ prezidenti Donald Tramp İsrail və İranın tam atəşkəs barədə razılığa gəldiyini açıqlayıb. Atəşkəs iyunun 24-də qüvvəyə minib.
