Qocalanda kiminsə köməyi olmadan yaşaya bilmək: 100 yaşlı bacılar bunun SİRRİNİ AÇDILAR

ABŞ-da əkiz bacılar Şimali Karolinada 100 illik yubileylərini qeyd edərək uzunömürlülüyün sirrini açıblar.

Referans xəbər verir ki, bu barədə WNCN məlumat yayıb.

Yaşlarına baxmayaraq, Bernis Frank və Qloriya Lipman təkbaşına, heç bir kömək olmadan öz evlərində yaşayırlar. Şənbə günü, iyunun 21-də bacılar dostları və ailəsi tərəfindən onlar üçün təşkil edilən möhtəşəm ziyafətdə daha bir ad gününü qeyd ediblər.

Frank və Lipman bu qədər yaşadıqları üçün çox şanslı olduqlarını bildirib və hər kəsin bunu edə bilməyəcəyini qeyd ediblər. Onlar uzunömürlü olmalarının sirrinin aktiv həyat tərzi olduğunu bildiriblər.

"Mən 50 ildir idmanla məşğulam, indi isə yoqa ilə məşğulam. Bütün bunlar mənə sağlam qalmağa kömək edir", - Lipman deyib. Frank isə əlavə edib ki, zehninizi iti saxlamaq üçün daim maraqlı nəsə etmək lazımdır.

Bacılar əmindirlər ki, bütün insanlara xoş münasibəti, yumor hissi də uzunömürlü olmasının səbəbidir. "Tanrı bizi sizin bizimlə qocalmağınızı izləmək üçün burada saxlayır", - deyə Lipman qonaqlara zarafat edib.

Qadınlar uzunömürlü olmalarında genetikanın da böyük rol oynadığını etiraf ediblər. Onların babası 103 yaşa qədər yaşayıb. Frank hazırda Nyu Cersidə, Lipman isə Şimali Karolina ştatının Roli şəhərində yaşayır. Qadınlar bir-birlərini tez-tez görmürlər, buna görə də bütün ailəni bir araya gətirən bayramları xüsusilə qiymətləndirirlər.