“Mehr” agentliyi İran Xarici İşlər Nazirliyinin bəyanatına istinadən xəbər verir ki, İran ABŞ-ı öz ərazisinə endirdiyi hava zərbələri nəticəsində dəymiş ziyanı kompensasiya etməyə çağırır.
Xarici işlər nazirinin müavini Səid Xətibzadə iyunun 24-də deyib ki, “Vaşinqton İran obyektlərinə dəyən ziyanı kompensasiya etməyə borcludur”. O, dəymiş zərərin dəqiq məbləğini açıqlamayıb, lakin ilkin hesablamalar göstərir ki, təkcə Natanz obyekti İrana 5 milyard dollardan çox ziyan vura bilərdi.
Diplomatın bəyanatı ABŞ-ın B-2 bombardmançı təyyarələri və “Tomaqavk” qanadlı raketlərinin İranın üç nüvə obyektinə endirdiyi zərbələrdən sonra verilib.
ABŞ prezidenti Donald Tramp əməliyyatı tarixi uğur adlandırıb.
“İranın nüvə obyektləri tamamilə məhv edilib”, o, “Truth Social”da yazıb və əlavə edib ki, ABŞ “tarixin ən uğurlu hərbi əməliyyatlarından birini” həyata keçirib.
Lakin ABŞ Müdafiə Kəşfiyyat Agentliyinin (DİA) gizli qiymətləndirməsi fərqli mənzərə yaradır. Sənədlə tanış olan “Reuters” və “CNN” mənbələrinə görə zərbələr yalnız yer səviyyəli binalara və enerji infrastrukturuna ziyan vurub. Zənginləşdirilmiş uran və sentrifuqaların ehtiyatları, əsasən, toxunulmaz qalıb, bəziləri əvvəlcədən çıxarılıb.
Almaz Həsənli
