"ABŞ-ın İranın nüvə obyektlərinə endirdiyi zərbənin qanuniliyi Konstitusiyanın II Maddəsi çərçivəsində qiymətləndirilməlidir".
Milli.Az xəbər verir ki, bunu hüquqşünas Cavid Rəhimli deyib.
O bildirib ki, Konqresdən əvvəlcədən icazə alınmadan belə, Prezident ABŞ vətəndaşlarını və maraqlarını qorumaq üçün müəyyən hallarda birtərəfli şəkildə hərbi gücdən istifadə edə bilər:
"Prezident yalnız ABŞ-a qarşı təcili və açıq təhlükə olduqda, dərhal müdaxilə edə bilər. Xarici siyasət Prezidentin səlahiyyətində olsa da, müharibə elan etmək Konqresin səlahiyyətidir. Ali Məhkəmənin Youngstown qərarına əsasən:
Əgər Konqres hərbi əməliyyatda icazə veribsə, Prezidentin səlahiyyəti maksimum səviyyədədir (1-ci zona).
Əgər Konqres susursa, Prezident "boz zona"da hərəkət edir (2-ci zona).
Əgər Konqres etiraz edibsə, Prezidentin səlahiyyəti ən aşağı səviyyədədir (3-cü zona)".
Hüquqşünas qeyd edib ki, hazırda Konqres üzvləri İrana qarşı icazəsiz hücumlara qarşı çıxıb. Bu isə bizi 3-cü zona ilə üz-üzə qoyur:
"İrana müdaxilə zamanı ABŞ-a qarşı təcili və açıq təhlükə olmadığına görə əməliyyat ABŞ konstitusiyasına zidd hesab olunur. Belə təhlükə olmadıqda 3-cü zona səviyyəsində əməliyyat aparıla bilməzdo. Burda isə konqresin etirazı var".
Aysel Əkbər
Milli.Az
