Tribuna saytına istinadən ain.az xəbər verir.
ABŞ-ın “Qiyamət günü” planı nüvə müharibəsi zamanı prezidentin sağ qalmasını və ölkəni yeraltından idarə etməsini nəzərdə tutur. Daha əvvəl 11 sentyabr hücumları zamanı qüvvəyə minən plan, mümkün Üçüncü Dünya Müharibəsi üçün yenidən gündəmə gəlib.
Tribunainfo.az NTV-yə istinadən xəbər verir ki, İran və ya başqa bir nüvə dövləti ilə fəlakətli müharibə baş verərsə, ABŞ-ın “Əməliyyatların Davamlılığı Planı” (COOP) adlı strategiyası işə düşür.
Bu plan, böyük şəhərlərin kütləvi qırğın silahı tərəfindən məhv edildiyi halda belə, milli müdafiə, iqtisadi sabitlik və ictimai təhlükəsizlik kimi mühüm dövlət funksiyalarının davam etməsini təmin etmək məqsədi daşıyır.
Genişmiqyaslı müharibə zamanı prezident və liderlərin qaça biləcəyi üç əsas sığınacaq var:
“Mount Weather”
Fövqəladə Əməliyyatlar Mərkəzi (Virciniya): Mülki liderlər üçün tikilmiş yeraltı sığınacaq və hökumətə ictimaiyyətlə əlaqə saxlamağa imkan verən geniş kommunikasiya infrastrukturu.
“Raven Rock Mountain Kompleksi” (Pensilvaniya):
Milli fövqəladə hallar zamanı Müdafiə Nazirliyinin hərbi komandanlıq mərkəzi kimi xidmət etmək üçün nəzərdə tutulmuşdur.
Çeyen Dağ Kompleksi (Kolorado): Əvvəllər NORAD-ın (Şimali Amerika Aerokosmik Müdafiə Komandanlığının) qərargahı olan bu yeraltı qurğu hələ də NORAD üçün ehtiyat komanda mərkəzi və nüvə hücumlarına davamlı strukturu ilə COOP altında sığınacaq kimi istifadə olunur.
Kolorado, Pensilvaniya və Virciniyadakı möhkəmləndirilmiş yeraltı bunkerlərdən Tramp administrasiyası və ya gələcək Ağ Ev administrasiyaları nüvə apokalipsisi təhlükəsinə baxmayaraq ölkəni idarə etməyə davam edə bilər.
Bu planın qüvvəyə minəcəyi ilə bağlı son iddialar ABŞ-da bir çox insanı qorxuya salıb. Çünki prezidentin fövqəladə komandanlıq təyyarəsi ölkə boyu uçur. Uçuş izləyiciləri iyunun 17-də xalq arasında “Qiyamət Təyyarəsi” kimi tanınan Boeing E-4B “Nightwatch” təyyarəsini müşahidə ediblər.
Cəmi dörd gün sonra ABŞ hərbçiləri Çin və Rusiyanın xəbərdarlıqlarına baxmayaraq İrandakı üç nüvə obyektinə zərbələr endirib. Bu hücumun dünyanı III Dünya Müharibəsinə sürükləyə biləcəyi ilə bağlı narahatlıqlar artıb.
“Qiyamət Təyyarəsi” böhran zamanı sağ qalan dövlət məmurları üçün uçan komanda mərkəzi rolunu oynayır. Nüvə hücumlarından sağ çıxmaq üçün xüsusi olaraq hazırlanmış təyyarə hərbi əməliyyatların koordinasiyasında əsas rol oynayır.
COOP planı adi vətəndaşların deyil, hökumət liderlərinin sağ qalmasına diqqət yetirir. Planın məqsədi əsas heyətin köçürülməsi, rabitə şəbəkələrinin təhlükəsizliyinin təmin edilməsi və mühüm qeydlərin qorunması ilə ölkənin idarəetmə sisteminin dağılmasının qarşısını almaqdır.
Dəniz Pənahova
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
