Meyxana ustası Oqtay Kamil "Qapqara" verilişinin budəfəki qonaq olub.
Publika.az xəbər verir ki, verilişdə o, Vüqar Biləcəri ilə bağlı xatirələrini bölüşüb:
"Vüqar çox yaxşı, dəliqanlı insan idi. Elə adamlar var ki, kiçik yaşda böyüyürlər. Vüqar da onlardan biri idi. Aydın Xırdalanlının, Vüqar Biləcərinin yaxşı dostları olsaydı, bu gün sağ olardılar".
Oqtay Kamil proqramda meyxana sənətindən danışıb. Onun sözlərinə görə, deyişmə zamanı kimin nə eybi varsa, deyilir və bu vaxt digər adam da pərt olur:
"Bu səbəbdən bəzən əlbəyaxa davalar da baş verir. İnsanın qüsurunu üzünə vurmaq olmaz. Meyxanada əsas sözə baxarlar".
