İraqın su ehtiyatları görünməmiş sürətlə tükəndiyi üçün cənubdakı bataqlıqlar gündən-günə kiçilir və onların bir hissəsi artıq çılpaq səhralara çevrilməkdədir.
Hafta.az-ın yazdığına görə, ölkənin şimalındakı Süleymaniyyədəki Dukan bəndinin direktoru Kucar Camal su anbarında əhəmiyyətli azalma olduğunu söyləyərək, "anbarlardakı suyun həcminin dörddə birinə qədər azaldığını" söyləyib.
"Hazırkı suyun miqdarı gələn payızın əvvəlinə qədər tələbatı ödəməyə kifayət edəcək" deyib Camal.
Cənubda, “İraqın Təbiəti” təşkilatının baş direktoru Casim əl-Əsədi bataqlıqlardakı quraqlığın dəhşətli mənzərəsini çəkib. “Bataqlıqları bəsləyən bölgədə Fəratın səviyyəsi aşağı düşməyə başlayıb” deyən Əsədi, bu ərazilərin, xüsusən də Xövr əl-Həvizə bölgəsinin boş səhralara çevrildiyini qeyd edib.
"Əsas bəndlərdə (Dukan, Mosul və Haditha) su ehtiyatları 10 milyard kubmetrdən çox deyil, bu da kənd təsərrüfatı planının məhdudlaşdırılmasına səbəb olub", - əl-Əsədi deyib.
