Avropa İttifaqına üzv olan 9 ölkə Fələstin ərazilərində İsrail yaşayış məntəqələri ilə ticarətə qarşı tədbirlər görməyə çağırıb...
Poliqon xəbər verir ki, Belçika, İrlandiya, İspaniya, Lüksemburq, Polşa, Portuqaliya, Sloveniya, Finlandiya və İsveç Aİ-nin Xarici Əlaqələr üzrə Ali Nümayəndəsi Kaya Kallasa məktub göndərərək bu anklavlarla ticarəti dayandırmaq planını tələb ediblər. Euractiv sənədin mətnini nəzərdən keçirib.
Təşəbbüs Aİ xarici işlər nazirlərinin iyunun 23-də İsrail nazirləri və radikal məskunlaşmaçılara qarşı sanksiyaların da müzakirə olunacağı görüşü ərəfəsində irəli sürülüb. "Məsələ ondadır ki, Aİ siyasəti birbaşa və ya dolayı yolla qeyri-qanuni vəziyyətin davam etməsinə kömək etmir", deyə nazirlər məktubda vurğulayırlar.
Məktubun təşəbbüskarı olan Belçika Avropanın ticarət siyasətini beynəlxalq hüquq normalarına uyğunlaşdırmaqda israrlıdır. Aİ 2024-cü ildə 42,6 milyard avroluq ticarət həcmi ilə İsrailin əsas tərəfdaşı olaraq qalır, lakin İsrail yaşayış məntəqələrindən gələn məhsulların payı açıqlanmır.
Poloqon.info
