Təhlükəsizlik Şurası: Kiyevin xüsusi xidmət orqanları və
Qərb Rusiya və KTMT-yə qarşı kiberhücumları artırıb
Rusiya Təhlükəsizlik Şurası katibinin müavini Aleksey Şevtsov Ukrayna xüsusi xidmət orqanlarının bəzi Qərb ölkələrinin dəstəyi ilə Rusiya və Kollektiv Təhlükəsizlik Müqaviləsi Təşkilatı (KTMT) ölkələrinə qarşı kiberhücumları artırdığını bildirib.
O, bu barədə KTMT Təhlükəsizlik Şuraları Katibləri Komitəsinin iclasında bildirib.
“Rusiyada kompüter cinayətinin miqyasının genişlənməsi daha çox Ukrayna xüsusi xidmət orqanlarının fəaliyyətinin fəallaşması ilə bağlıdır”, - TASS onun sözlərini sitat gətirir.
Şevtsov qeyd edib ki, xüsusilə SBU-nun nəzarəti altında və Qərbdən olan ekspertlərin iştirakı ilə Ukraynada pul qoparmaqla məşğul olan 1000-dən çox zəng mərkəzi yaradılıb.
“Onlar digər ölkələrə, o cümlədən KTMT-yə üzv dövlətlərə qarşı daha aktiv fəaliyyət göstərməyə başlayırlar”, - o əlavə edib.
