Fransız kinosunun simvoluna çevrilmiş Pyer Rişar — yalnız aktyor deyil, həm də bir dövrün siması, bir neçə nəsli güldürən və düşündürən dahidir. Onun adını eşidəndə bir anda ağıla gələn sarışın, qarışıqlığa düşmüş, məsum və bir az da yöndəmsiz qəhrəman obrazları hər birimizin yaddaşında öz izini buraxıb.1934-cü ildə Fransanın Valansiyen şəhərində anadan olan Pyer Rişar, uşaqlıqda sakit və utancaq bir uşaq olub. Amma məhz bu sakitlik onun içindəki yumor hissini bəsləmişdi. Teatr və kino sahəsindəki ilk addımlarını o qədər də asan atmayan aktyor, nəhayət ki, 1970-ci illərdə dünya miqyasında tanındı.Ən məşhur rollarından biri — "Uzun boylu sarışın adam" obrazı ilə o, həm Fransada, həm də beynəlxalq aləmdə şöhrət qazandı. Ardınca “Qaçaq cütlük”, “Atam, qəhrəman”, və “Oyuncaq” kimi filmlərlə tamaşaçının sevimlisinə çevrildi. Onun komediyaları sadəcə gülmək üçün deyildi – həyatın absurdluğunu, insanların sadəliyini və duyğularını incə şəkildə tənqid edirdi.
Rişar həm də musiqi sevərlərin könlünü fəth edib – o, caz musiqisini sevir və özü də musiqi ilə məşğul olub. Həmçinin illər sonra şərab istehsalçısı kimi də özünü sınayıb – Fransanın cənubunda yerləşən bağlarında ekoloji təmiz şərablar hazırlayır.Bugün artıq 90 yaşına yaxınlaşsa da, Pyer Rişar hələ də həyat doludur. O, qocalığın da bir zarafatı olduğunu sübut edir. Onun gülüşü isə hələ də milyonların yaddaşında əks-səda doğurur.Ulusum.az
Diqqət Çəkənlər
Tramp danışacaq: İranla müharibə qapıdadır?
İranda "əsrlik sürpriz" vəd edilir: Bu axşam dünya nəyi unutmayacaq?
“Bu an səni seçdi” – Trampa ilahi çağırışlı məktub!
