"Zirə" və "Araz-Naxçıvan"ın UEFA Konfrans Liqasının I təsnifat mərhələsindəki rəqibləri bəlli olub.
MilliYol.az xəbər verir ki, paytaxt təmsilçisi bu raundda "Hayduk" (Xorvatiya) ilə üz-üzə gələcək.
"Araz-Naxçıvan" isə "Aris" (Yunanıstan) kollektivi ilə qarşılaşacaq.
"Sabah"ın da UEFA Konfrans Liqasının II təsnifat mərhələsində potensial rəqibləri müəyyənləşib. Bakı klubu UEFA Avropa Liqasının I təsnifat mərhələsində "Sele"yə (Sloveniya) məğlub olacağı təqdirdə "Birkirkara" (Malta) - "Petrokub" (Moldova) cütünün qalibi ilə görüşəcək.
Qeyd edək ki, paytaxt təmsilçisi UEFA Avropa Liqasının I təsnifat mərhələsində ilk oyununu iyulun 10-da evdə, cavab görüşünü isə 17-də səfərdə keçirəcək. Konfrans Liqasında II təsnifat mərhələsinin görüşləri iyulun 24-ü və 31-də baş tutacaq.
