Xəbər verdiyimiz kimi, tanınmış rəssam Fərhad Yalquzaq emalatxanasında ölü tapılıb. Onun xeyli vaxtdır ki, ailəsindən ayrıldığı və emalatxanasında tənha yaşadığı bildirilir.
Mərhumun dostu, yazıçı, jurnalist Rasim Qaraca Bakupost.az -a onun intiharıilə bağlı açıqlama verib:
“Mənim üçün sarsıdıcı xəbərdir. Fərhad intihar edib, bunu fəhm edə bilmirəm. Təəssüflərlə dolu olan həyatımıza daha bir təəssüf qatdı…
Azad sənətçi prinsipinə sona qədər sadiq qaldı, qalstuklu rəssamlardan deyildi. Necə yaşamaq və necə ölmək tamamilə onun öz iradəsindən asılı idi. “Başa düşülməyən” əsərləri bundan sonra çox yaxşı başa düşüləcək. Xatirəsinin əbədi yaşayacağına inanıram”.
