Qol.az portalından əldə olunan məlumata əsasən, ain.az xəbər verir.
Azərbaycan millisinin cüdoçusu Hidayət Heydərov İnstaqram hesabında yeni paylaşım edib.
QOL.az xəbər verir ki, Olimpiya çempionumuz paylaşımında Macarıstanın paytaxtı Budapeştdəki dünya çempionatında ilk görüşdə uduzaraq mübarizəni dayandırması haqda yazıb. O bildirib:
"Tatamiyə 11 ay sonra qayıtdım. Bu, sadəcə dönüş deyil, yola davamdır. Məqsədim aydındır: yenə zirvəyə qalxmaq. Uduzmaq da bu yolun bir hissəsidir. Amma unutmayın: mən buradayam və qələbə yenə gələcək. Sözlə yox, əməllə danışacağam”.
Qeyd edək ki, Hidayət dünya çempionatının 1/16 final mərhələsində Portuqaliya təmsilçisi Otari Kvantidzeyə uduzub.
Hadisənin gedişatını izləmək üçün ain.az saytında ən son yeniliklərə baxın.
