ain.az, Hurriyyet portalına istinadən məlumatı açıqlayır.
Yaxın Şərqdə eskalasiya fonunda Londonun Qitələrarası Birjasında (ICE) bu ilin avqustunda çatdırılacaq "Brent" markalı neftin fyuçerslərinin qiyməti təxminən 80 dollar/barelə yüksəlib.
Hurriyyet.az xəbər verir ki, saat 01:00-a olan ticarət məlumatlarına əsasən, "Brent" markalı neftin fyuçerslərinin qiyməti 4,18% artıb və 78,32 dollara satılıb. Saat 01:07-də qiymət artımı yavaşlayıb: "Brent" markalı neft 77,78 dollara satılıb, yəni 3,46% artıb.
Bir gün əvvəl İran rəsmisi İsmayıl Kousari demişdi ki, Tehran dünya neftinin 20%-nin axdığı Hörmüz boğazını bağlamağı istisna etmir. O bildirib ki, əgər ölkə hakimiyyəti belə bir qərar qəbul edərsə, İran bunu “tərəddüd etmədən” edəcək. Rusiyalı deputat Aleksey Puşkovun fikrincə, boğazın bağlanması neftin qiymətinin kəskin artmasına gətirib çıxaracaq - bir barel üçün 130 dollara qədər. Rusiya Federasiyası Hökuməti və Milli Enerji Təhlükəsizliyi Fondu yanında Maliyyə Universitetinin eksperti İqor Yuşkov hesab edir ki, bu ssenari “dünya bazarı üçün şok” olacaq.
Bundan əvvəl İraq Xarici İşlər Nazirliyinin rəhbəri neftin qiymətinin bir barel üçün 300 dollara qalxması ehtimalından danışıb.
Publika.az
Daha ətraflı məlumat və yeniliklər üçün ain.az saytını izləyin.
