Finss.az - “Daşkəsən Dəmir Filiz” MMC nəqliyyat vasitələrinin icarə xidmətinin satın alınması məqsədilə açıq tender müsabiqəsi elan edib.
Satınalma üzrə ehtimal olunan məbləğ 544265 manat təşkil edir. Xidmət sərnişin avtomobil daşımaları üzrə aparılacaq (təsvifat kodu: 78111800).
Müsabiqədə iştirak etmək istəyən şirkətlər 450 manat iştirak haqqı və 25 manat istifadə haqqı ödəməlidirlər. Təkliflərin təqdim olunması üçün son tarix 8 iyul 2025-ci il, saat 17:15-dir. Həmin vaxtda zərflərin açılışı da keçiriləcək.
Əlavə məlumat və sənədlərə etender.gov.az portalı vasitəsilə baxıla bilər.
