BAKI, 16 iyun. TELEQRAF
İsrail və İran arasında atəşkəsin olacağına ümid edirəm, lakin "bəzən onlar döyüşməlidirlər".
Teleqraf xəbər verir ki, bunu ABŞ Prezidenti Donald Tramp jurnalistlərin suallarını cavablandırarkən bildirib.
Kanadada keçiriləcək G7 sammitinə yola düşməzdən əvvəl jurnalistlərin suallarını cavablandıran Tramp bildirib ki, ABŞ İsraili dəstəkləməyə davam edəcək. Bununla belə, o, müttəfiqindən İrana qarşı zərbələri dayandırmağı istəyib-istəmədiyini açıqlamayıb.
"Biz çox yaxşı yola gedirik və düşünürəm ki, bir-birimizə böyük hörmətimiz var", - Tramp İsrailin Baş naziri Binyamin Netanyahu və İran haqqında danışarkən söyləyib.
