Rusiya Elmlər Akademiyasının akademiki, epidemioloq Gennadiy Onişçenko bildirib ki, süni intellekt (Sİ) özü-özlüyündə biotəhlükəsizlik üçün təhlükə yaratmır.
Far.Az xəbər verir ki, onun sözlərinə görə, Sİ sadəcə verilən tapşırıqları yerinə yetirən bir vasitədir. Əsas təhlükə isə texnologiyanı pis məqsədlərlə istifadə edən insanlardır.
Onişçenko qeyd edib ki, süni intellekt məlumat yarada və analiz edə bilər, lakin onun fiziki hərəkət etmək imkanı yoxdur.
Daha əvvəl Rospotrebnadzor rəhbəri Anna Popova da xəbərdarlıq etmişdi ki, Sİ vasitəsilə təhlükəli toksinlər yaradıla bilər. O, bu texnologiyalardan yalnız insanlıq naminə istifadə olunmasının vacibliyini vurğulamışdı.
