İran Hörmüz boğazının bağlanması məsələsini ciddi şəkildə müzakirə edir.
KONKRET.az Musavat.com-a istinadən xəbər verir ki, bu barədə İran parlamentinin Təhlükəsizlik Komitəsinin üzvü Esmail Kavatri bəyan edib.
“Hörmüz boğazının bağlanması məsələsi gündəmdədir və İran bu barədə tam qətiyyətlə qərar verəcək”, – deyə Kavatri bildirib.
Xatırladaq ki, İsrailin cümə günü İrana qarşı həyata keçirdiyi genişmiqyaslı hücumlardan sonra Yunanıstan və Böyük Britaniya öz ticarət gəmilərinə Ədən körfəzi sularından istifadə etməmələri və Hörmüz boğazı üzərindən keçən bütün səfərləri rəsmi olaraq qeydə almaları barədə tövsiyə edib.
