"Atletiko" "Liverpul"un futbolçusu Endi Robertsonu hədəfləyib.
QOL.az xəbər verir ki, bu barədə insayder Fabrizio Romano məlumat yayıb.
31 yaşlı cinah müdafiəçisi özü İspaniya klubuna keçmək niyyətindədir. Tərəflər arasında ilkin danışıqlar artıq başlayıb.
Bildirilir ki, "Liverpul" tərəfi şotlandiyalı oyunçunu yüksək dəyərləndirir. Buna görə İngiltərə klubu üçün Robertsonu buraxmaq çətin olacaq.
Qeyd edək ki, Endi Robertson bu mövsüm "Liverpul"un heyətində 45 oyuna çıxaraq 2 qolun ötürməsini edib. Onun komandası ilə müqaviləsi 2026-cı ilin yayına qədərdir.
